Washington, Nailur:
U president jong ka US, U Donald Trump, u la kynnoh ba ka Europe, ka thied ia ka umphniang jong ka Russia bad u la ong ba ki paralok jong ka North Atlantic Treaty Organisation (NATO), ki pynjem ia ka Russia, wat hapdeng ka thma, kaba dang iai bteng ha Ukraine. Kumta ruh u la kyntu ia ki ri ka Europe ban pynkhlaiñ ia ki jingpynjari jongki pyrshah ia ki mar jong ka Russia, ban iatreilang bad ban ïaid ryngkat bad ki aiñ jong ka America.
“Ka Europe ka thied ia ka umphniang na ka Russia. Ngam kwah ba kin thied ia ka umphniang – bad ki jingpynjari kiba ki buh kim long kiba eh bha,” la ong u Trump ha ki nongthoh khubor.
U President ka US u la ban jur ba ka Washington ka kloi ban pynjari ïa ki jingpynjari kiba kham tyngeh ïa ka Russia, tang lada ka Europe kan leh ha ka rukom kaba ‘ïahap’ bad ka America.
“Nga kloi ban leh ia ki jingpynjari, hynrei kin hap ban pynkhlain ia ki jingpynjari jong ki katkum kaei kaba nga leh,” u la ong.
“Tang ban pynshai, phin ym iaid shakhmat tad haduh ba ka NATO kan iaid shakhmat. Hooid, nga la pynkhreh ban iaid shakhmat, hynrei ki hap ban leh ia kata. Hynrei mynta hi ki dang ia kren bad kim leh. Peit, ki thied umphniang na Russia. Ngim thied umphniang na Russia. Ki thied umphniang shibun na ka Tha.”
U Trump u la byrngem bunsien ïa ka Russia da ki jingpynjari ba kham bun — kynthup ha ka taiew ba la dep hadien ba ka Kremlin ka la pynmih ïa ka jingpynbthei na suiñ kaba heh tam pyrshah ïa ka Ukraine — kum ka lad ban ktah ïa ka jingmih kaba ka Russia ka donkam na ka bynta ka thma kaba jur jong ka. Hynrei haduh mynta, um shym la lah ban bud ryntih, kaba la pynsngewsih ia ka Kyiv.
