Taiwan, Nailur:
Ka Taiwan ka thmu ban don bad shim bynta lang ha kan shna ïa u namding bad ka drone ngam um ba la shna da ka US bad ka kompeni ïada ri jong ka America, ka Anduril, kaba dei ka sien kaba nyngkong eh jong ka ban ïateh kular bad ka kompeni nabar ri. Kane ka sienjam ka thmu ban kyntiew ïa ka bor ïada ri hapoh ka ri jong ka Taiwan hapdeng ka jingkiew ka jingïakynad bad ka China.
Ka National Chung-Shan Institute of Science and Technology jong ka Taiwan (NCSIST) kan ïatreilang ban pynmih ïa u namding Anduril’s Barracuda-500, u dei u namding ba duna dor ba la shna hi na ka bynta ban hiar thma da ki kynhun ïa ki jhad thma.
Ka NCSIST bad ka Anduril ki la ïasoi ïa ka jingïateh ban pynmih lang ïa ka drone hapoh um jong ka kompeni, kaba pynkhlain ïa ka jinglah ban ïada ïa ki shipai duriaw jong ka Taiwan.
Ka jingthmu jong ka jingïatreilang ka long halor ka “jingpynmih bun” bad ban pynlong ïa ka jingpynmih ha ka thain kaba lah ban neh, ha kaba ka Anduril ka ïatreilang bad ka US bad Taiwan.
Ka Taiwan ka thmu ban kyntiew ïa ka mang tyngka jong ka ha ka kam iada ri ha u snem 2026 sha ka NT$949.5 billion, lane palat ïa ka 3% na ka GDP, bad ka thmu ban pynkiew ïa ka jingpynlut sha ka 5% na ka GDP ha u snem 2030.
Ka tnad ïada ri kan wad haduh $33 billion ka pisa ba kyrpang ban pynbha ïa ki tiar ïada jong ka Taiwan, kynthup ïa ka jingpynïasoh ïa ki kor ïada ba na suiñ bad ban ïoh ïa ki buit kiba thymmai ban lap ïa ki drone rit bad ki namding.
Ka US ka la pynpaw biang ïa ka jingshimkhia jong ka ha ka liang ka kam ïada ri ka Taiwan, da kaba pynpoi ïa ki tiar ïaleh dang shen kynthup ïa ki namding Army Tactical Missile System (ATACMS), kiba pynkhlaiñ ïa ka jinglah ban siat jngai jong ka Taiwan.
