Dubai, Nailur:
Ka Pakistan ka la don slem bha ïa ka kynhun shipai kaba rit ha Saudi Arabia, hynrei kane ka jingïateh kular ha kane ka taiew ka kdew sha ka jingïadon bynta kaba kham heh.
Ka jingiateh halor ki kam iada ri kaba dang shen hapdeng ka Saudi Arabia bad ka Pakistan ka don ka jingktah kaba khraw ia ka jinglong jingman jong ki ri ha Middle East.
Ka Nuclear Umbrella: U Khawaja Muhammad Asif, myntri iada ri jong ka Pakistan, u la pynthikna ba ia ka jinglah jong ka Pakistan, lah ban pyniar sha ka Saudi Arabia, hapoh kane ka jingiateh, kaba lah ban ai ia ka jingda nuclear pyrshah ia ki jingma.
Uwei u heh jong ka Saudi u la ai dak ba katei ka jingiateh ka kynthup ia baroh ki lad shipai, kynthup ia ka jingpynsangeh ia ki nuclear kiba lah ban jia, kum ka jingpynrem ia ki jingbyrngem.
Ki nongpeit bniah ki ngeit ba katei ka jingiateh ka pyni ia ka jingshimkhia kaba nang jur jong ka Saudi Arabia halor ki kam shipai jong ka Israel bad ka jingshngain jong ka hi, nalor ka jingduna ka jingshaniah ha ki jingpynthikna jong ka US ha ka jingshngain.
Kane ka jingïateh kular ka lah ban wanrah ïa ka jingsngewkhia ha India, haba kheiñ ïa ka jinghikai nuclear ba la pynpaw da ka Pakistan, ka pynleit jingmut ha kaba pynsangeh ïa ka India, bad ha Iran, namar ka jingïakhun jong ka Saudi Arabia ha kane ka thaiñ.
U Asif u la kdew ba ïa ka jingïateh kular lah ban pynjlan ban kynthup ïa kiwei pat ki ri jong ka Gulf, kaba lah ban pynkylla dur thymmai ïa ka jinglong jingman jong ka jingïada ha ka thaiñ.
Ki riew shemphang ki la ai ki jingbatai bapher-bapher shaphang kiei kiei ba lah ban ktah bad mih na kane ka bynta.
U Hasan Alhasan u ïohi ïa ka jingïateh kular kum ka jingpyrshang jong ka Saudi Arabia ban khanglad ïa ka jingduna jong ka ha ka liang ka buit treikam bad ka rukom ïaleh pyrshah ïa ka Israel kaba don ïa ki tiar nuclear.
Ka Maleeha Lodhi, ka ngeit ba katei ka jingiateh, ka pyni ia ka jing pynkiew ia ka bor jong ka Pakistan, sha ka thain Middle East, wat hapdeng ka jinglong jingman jong katei ka thain.
U Abdulaziz Sager, u pyrkhat ba ka dang kloi palat ban shim ïa ki rai halor ka bynta ka jingïateh kular halor ki nuclear.
Ki jingtip ba kyrpang bad ki jingktah jong ka pact ki lah ban dang bteng ban paw katba nang mih ki jingtip kiba kham bniah.
