Shillong, Nailur 19
Ka Meghalaya Chess Association (M.C.A) ka la phah saw ngut ki nongïalehkai chess ba kynsai ka Jylla ban leit shim bynta ha ka “62nd National Chess Championship 2025” ka ban long ha Guntur, Andhra Pradesh naduh 21 tarik mynta u bnai Nailur haduh 1 tarik u Risaw.
Kine ki long u Ardhendu Sekhar Mandal, Silkam Sangma, Silseng N Marak bad u Krusen D. Shira, ha kaba kin ïakhun pyrshah ïa ki Grandmaster, International Master bad ki nongïalehkai kiba la ju khur ïa kin nam lahduh na kylleng ki Jylla jong ka ri.
Kat kum ka kyrwoh ba la pyllait da u General Secretary Bah K. Pajat, la ong ba ka Synjuk ka la ai khublei kitbok ïa kine ki nongïalehkai ba kin lah ha ka ban ïalehkai bha ha katei ka lympung.
