Jowai, Nailur 19
U Mechanki Synnah bad Shemphang Phalangki ki la khyrwit da ka hat trick bad pynlong ïa ka Ïawmulong Nartiang ba kan pynliem haduh 11-2 kol ïa ka Caroline Colony ha ka jingïalehkai 2nd Division Football Tournament-8th Debo Shullai Memorial Trophy.
Ïa kane ka lympung ïalehkai la pynïaid da ka West Jaintia District Sports Association (WJDSA) ha madan Kiang Nangbah Stadium, Jowai ha ka 19 tarik Nailur.
U Mechanki Synnah u la thep 4 tylli ki kol ha ka minit 18, 28, ,38 & 66, katba u Shemphang Phalangki u la khyrwit 6 tylli ha ka minit 20, 40, 44, 53, 61 & 74 bynrap sa ka kol ba la thep da u Lonely Nongtdeh ha ka minit 78.
Katba ïa ki ar kol ka Caroline Colony la thep da u Teibormi Shadap 51 bad Franlene edify Lyngdoh 77.
Ha ka jingïalehkai kaba bud, ka jingïakhun ka la kut noh khlem da lah ban pynkhih jar hapdeng ka Lumbhahdakha Wahiajer bad Khliehmyntang Ïalong.
Katba ka jingïalehkai hapdeng Chilliangraij and Luti tuber Ïalong la pynsangeh.
