Shillong, Nailur 21
U Bah Process T Sawkmie, MLA barim u la ong ba ka por ka la dei ba ka Sorkar National Democratic Alliance (NDA) na Delhi kan kyntiew noh ïa ka jingpynbun ïa ki Myntri na ka 20% sha ka 30%.
“Kane ka jingmyntoi kan ïarap ïa baroh ki Jylla jong ka ri India baroh kawei bad lada ka jingbujli Myntri ka don ka jingeh ïa ki Myntri Rangbah, ïano yn ai, ïano yn pynduh, kumba ka dang shu jia ha ka jingkylliang Myntri hapoh ka jylla jong ngi, kiba ïoh ki kmen bad kiba shah pynduh ki sngewsih,” ong u Bah Process.
U la bynrap, “Lada ka Sorkar India ka kyntiew sha ka 30%, ki Myntri ha ka jylla Meghalaya na ki 12 ngut kan poi sha ka 18 ngut bad ka roi ka par kan kiew ha ka jylla baroh kawei.”
U ong ruh, ka jingduna ki Myntri, tang 20% ka ktah ïa ki jylla ka thaiñ shatei lam-mihngi baroh, kumjuh ïa ka ri baroh kawei, ka por ka la poi ba ki Myntri Rangbah ki jylla ka thaiñ shatei lam-mihngi baroh kawei ban ïatylli lang kawei.
Kaba donkam ka long ban wanrah ïa ka Amendment hapoh Parliament, lada ki state ne jylla baroh ki ïa mynjur lang ha ka Sorkar NDA, yn ym don jingeh lada ki paralok kiba don lang ki ïa ai jingmut, u la ong.
