New Delhi:
Ka NASA ka dang pynkhreh ban pynher ïa ka’ Interstellar Mapping and Acceleration Probe (IMAP)’, ka jingthmu ban wad bniah ïa ki jaka ba jngai tam jong ka jong ka haw-haw ‘Solar Sytem’.
Ia kane ka kam la thmu ban pynlong ha ka 23 tarik u Nailur.
Kane ka liengsuin kan iarap ia ki stad saian ban wad bniah kumno ki particles na ka Sngi ki ioh ia ka bor bad kumno ka lyer jong ka sngi ka iatreilang bad ka suinbneng hapdeng ki khlur. Nalor kane, kane ka jingthmu thymmai kan kyrshan ïa ki jingpeit bniah ha ka por ba shisha ïa ka lyer jong ka sngi bad ki tnat ba don bor.
Ka IMAP ka kit 10 tylli ki tiar ba kyrpang ba la shna ban thew ia ki bynta bapher bapher jong ka suinbneng. Kawei pa kawei ka tiar ka don la ka jong ka bynta, kum ka jinglap ia ki tnat, ka jingthew ia ki jaka magnetic, lane ka jingbuddien ia ka jingshai ba donbor.
Ia ka IMAP yn buh ha ka jaka ba nyngkong jong ka Pyrthei sha ka Sngi Lagrange point (L1), kaba jngai kumba shi million mer na ka Pyrthei sha ka Sngi.
Kane ka jaka ka ailad ia ka liengsuin ban buddien beit ia ka jingtreikam jong ka sngi shwa ba kan poi sha ka Pyrthei ne sha ki liengsuin kiba don hajan da kaba ai jingmaham lypa kumba 30 minit ia ki nongleit jingleit bad ki satellite shaphang ki kjat sngi kiba sniew kaba wan sha ka Pyrthei.
Kane ka ‘IMAP Mission’ jong ka NASA yn lah ban iohi ha ka NASA+, Amazon Prime, bad kiwei kiwei ki platform naduh ka por 6:40 baje mynstep EDT (4:10 baje janmiet IST) ha ka sngi Ba-ar, 23 tarik Nailur.
