Ban lait na ka jingïakynad hapdeng kito kiba kwah ai jait kpa bad kiba kwah pynneh ïa ka ai jait kmie. Ka la dei ka por ba ngin hap thew pyrla ban ïaryngkat bad ïa hun lang ban pynneh pynsah ïa ka jait ka kynja, khlem ka jingïapeit matdong hapdeng kiba kwah ai jait kpa bad kiba kwah pynneh ïa ka ai jait kmie. Kumta ha ka jingïohi jong nga la dei ban shim bad thew tarajur ia kane ka jingai jait kmie bad ka jingai jait kpa da kaba phiah noh ïa ki khun shynrang ki dei ban shim ïa ka jait u kpa bad ki khun kynthei kin pynneh ïa ka ai jait kmie. Lada lah ban leh kumne ka lah ban pynhun ïa kito kiba kwah ai jait kpa bad kumjuh ïa kito kiba kwah pynneh ïa ka ai jait kmie. Ka District Council kaba dei peit ïa ka dustur ka Riti ka dei ban wanrah ïa ka aiñ ban ithuh ïa ki khun shynrang ban shim ïa ka jait u kpa. Te kito kiba kwah pynneh ïa ka ai jait kmie kin hun ha ka jingai jait kmie.
Kane ka phormula ka lah ban ïarap pynhun ïa baroh kito kiba kwah ai jait sha u shynrang ne u kpa. Kane kan pynïatylli ïa ka jaitbynriew Khasi salonsar kata u Khynriam u pnar, u Bhoi, u war bad u Lyngngam. Kane ka long ka jingiohi jong nga haba ïadei bad kane ka jingïakynad kwah ai jait bad kiba kwah pynneh ïa ka ai jait kmie.
C. B. Iawphniaw
