Nongstoiñ, Nailur 22
U MLA ka Nongstoiñ u Bah Gabriel Wahlang ha ka sngi Saitjaiñ u la plie ïa ka lympung ïalehkai phutbol ba la tip kum ka 1st MLA Cup 2025 ha ka Zone-1.
Ha katei ka jingïakhun jong ka Zone -1, ka kynhun ïalehkai jong ka Mawkhlam SC ka la khur ïa ka jingjop hadien ba ka la pynliem noh ïa ka Pyndendiloiñ da 2-0 kol ha madan New Nongstoiñ.
Shuh shuh ha ka jingïalehkai kaba ar, ka ka Mawïonglumsyntiew ka la jop da 3-0 kol ïa ka Khliehmawlieh YC.
Lah ban kdew hangne ba ha kane ka 1st MLA Cup 2025 jong ka Nongstoiñ Constituency la phiah ha ki 6 tylli ki zone bad haduh 108 tylli ki shnong ki la wan ban shim bynta.
Kumta na ka liang ka komiti ka la pyntip ba baroh ki zone ki la sdang ïa ki jingïalehkai naduh ka lah sngi U Blei.
