Connecticut, Nailur:
Kawei ka kynthei kaba 25 snem ka rta ka la mynsaw jur hadien ba u para marjan jong ka uba don shapoh u la siat da kaba bakla da ka suloi, ha kaba u kuli u la her sha sad sha jrong bad pei lyngba sha kamra sah jong ka. U Caleb Bean, 30 snem ka rta na Connecticut, u la pyntip sha ki bor pyniaid ba u la “pynbthei bakla ia ka suloi jong u katba u dang pyrshang ban pynkhih ïa ka jingtreikam ka suloi jong u.” Kane ka jingjia ka la jia ha ka por kumba 10:50 baje eiei mynmiet ha Phoenix Park Apart-ments kaba don ha Long Hill Road, Groton, Croton, ha ka Sngi U Blei. Utei u kuli u la bthei ha kawei ka kynthei kaba sah ha jrong jong ka iing jong u Bean, ha kaba ka shu lait na ka ban iap hynrei ka don tang ka jingmynsaw haka kjat jong ka. Ki para marjan bad u baieid jong ka ki la pyrshang shipor ban sumar bad ai jingïarap ban pynneh bad pynlait im ia ka haduh ban da poi ki pulit.
Ki pulit ki la iathuh ba ka kjat ka mon jong katei ka kynthei ka la mynsaw jur bha, kaba la pynlong ia “ka jingmih bad duna snam kaba jur bha.”
Ki ophisar kiba wan iarap bad ki ki nongsumar ka koit ka khiah ki la kit ia katei ka longkmie sha Lawrence & Memorial Hospital, ha kaba ka la shah sumar bad ka dang don ha ka jingsumar ba kyrpang.
Ka jing pyndonkam ia ka suloi, kaba kynthup ia ka jingthep kuli ne pynkhih ia ka suloi, ym dei satia ban leh ha ka jaka bym don jingteh lakam, ong u Robert Guest ka Eastern Connecticut Firearms Safety.
Na katei ka jaka la lap ia kawei ka suloi AR-15. La kem ia u Bean bad la pynngat ia u ha ka mukotduma ki kam thombor, ka jingleh khlem da pyrkhat, ka jingleh kum ki runar pyniap briew, ka jingpynbthei be-ain ia ka suloi, bad ka jingpynkhein ia ka shongsuk shongshngain. Ha kaba sdang la bat ia u da ka kuna kaba $250,000, hadien la pynduna sha ka $15,000.
