Pyongyang, Nailur:
U Kim Jong Un, uba dei u nongïalam ka North Korea, ula pynpaw ba u kwah ban ïakren bad ka US, tangba tang lada ka Washington, kan weng noh ïa ka jingdawa ban weng noh ïa ki tiar nuclear. U Kim, u la kdew ba u don ki jingkynmaw ba sngewtynnad, halor ki jingïakynduh jong u bad u President jong ka US, U Donald Trump, bad uba u la pynlong lai tylli ki jingïalang ba heh ha ka samoi treikam ba nyngkong jong u Trump.
U Kim Jong Un u plie lad ban ïakren bad ka US lada ka sangeh ban pynbor ban pynduh noh ïa ki tiar nuclear, da kaba pynksan ba ki tiar nuclear ki long kiba kongsan bha na ka bynta ka jingïada ïa ka North Korea.
U Kim u la pynpaw biang ba ka jingpynduh ia ki tiar nuclear kam dei kaba lah ban ia kren, da kaba kdew ia ka jingdonkam jong ka ri ia ki tiar nuclear ban iada ia ka jingshngain jong ka na ki jingma na ka US bad South Korea.
Wat hapdeng ki jingpynjari jong ki ri ka pyrthei, ka North Korea ka la bteng ban pynkiew ia ka bor nuclear jong ka, ha kaba u Kim u la pynpaw ba ki jingpynjari ha ka jingshisha ki la pynlong ia ka ri jong u kaba kham khlain bad kham lah ban ialeh pyrshah. U Kim u la pynpaw ruh ba um kwah ban ïa-kren bad ka South Korea, da kaba khot ïa ka kum ka “nongshun ba kongsan” bad pynpaw ba kan ym don kano-kano ka jingïa-kren ha kano-kano ka bynta.
Ka jingïadei jong ka North Korea bad ka Russia ka la nang khlaiñ, ha kaba baroh ar tylli ki ri ki la ïasoi ïa ka soskular ban ïada mar kylliang bad ka North Korea ka la phah ïa ki shipai ban kyrshan ïa ka Russia ha ka jingïakynad ha Ukraine. Ka por jong ka jingkren jong u Kim, ha shwa ba u Trump un leit sha South Korea na ka bynta ka jingialang jong ka APEC, ka pyni ba ka lah ban don ka jingialang kaba kyrkieh hapdeng kine ki arngut ki nongialam. Ki nongpeit bniah ki ngeit ba katei ka jingkren jong u Kim ka lah ban long ban khanglad ia ka jingiatreilang hapdeng ka US bad ka South Korea.
