Shillong, Nailur 22
U MLA ka NPP na Umsning Dr. Celestine Lyngdoh u la shah thung kum u Chief Whip katba u MLA ka NPP na Mylliem Bah Ronnie V Lyngdoh pat u la shah thung kum u Deputy Chief Whip ka Sorkar ha ïingdorbar thawaiñ ka Jylla.
Ïa kane la pyntip da u Commissioner & Secretary ka Assembly u Dr Andrew Simon ha ka jingpynbna ba la pynmih ha ka sngi Nyngkong.
U Dr Celestine Lyngdoh bad Bah Ronnie V Lyngdoh ki dei napdeng ki 4 ngut ki MLA kiba la wan pynïasoh sha ka NPP, kaba la pynkut syndon ïa ka jingdon MLA jong ka Congress hapoh ka ïingdorbar thawaiñ.
