Shillong, Nailur 22
Ka Organizing Committee jong ka Mawlai Games and Literary Fest, ka la pyllait paidbah ïa ka shap lane ka logo na ka bynta ka Mawlai Games and Literary Fest 2026 kaba la thmu ban sdang naduh 5 haduh 10 tarik u Kylla-lyngkot 2026.
Ïa kane ka shap la plie paidbah da u Rangbah Shnong ka Mawlai Nong-lum, u Bah J.S War ha ka lah sngi U Blei, ha kaba la ïadon lang u Chairman Bah G.S Kharbuli, Secre-tary Bah T. Lynshing, u Organising Secretary cum Spokesperson Bah Elmar R. War, ki dkhot nongkitkam jong ki komiti bapher-bapher ha ryngkat ka jingdon lang u MLA ka Mawlai u Bah Brightstar-well Marbaniang lem bad u MDC u Bah Eddieson Kharumnuid.
Kane ka long hadien 17 snem naduh ba ka Mawlai Sports Club ka la pynlong khatduh eh ïa ka Mawlai Games ha u snem 2009.
Ha kane ka Mawlai Games ym kynthup ïa ki jingïalehkai kum ka Foot-ball, Athletics, Badmin-ton, Boxing, Basketball, Arm Wrestling bad Tra-ditional Archery. Katba ha ka Literary Fest yn kynthup ïa ka jingïakop ïatyrko (debate), quiz competition, public speaking bad ka tang shi kyntien ïa kaba yn ailad ïa baroh ki samla kynthei bad shynrang na baroh ki 24 tylli ki shnong jong ka Mawlai Constituency.
Ka jingthmu jong kane ka lympung ka long ban wanrah ka jingteh song hapdeng ki samla ka thaiñ Mawlai hi baroh kawei bad ha ka juh ka por ban plie lad ïa ki samla shynrang bad kynthei ba kin ïashim bynta lang ha kitei ki jingïalehkai bapher -bapher.
“Ha ka jingshisha ka jingthmu ka jong ngi ka long ban bteng manla u snem ïa kane ka Mawlai Games , hynrei ngin hap ban ïakren pynbeit hashwa ba ngin shim ïa ka rai kaba khatduh,” la pynpaw u Bah Elmar ha katei ka jingïalang kaba lyngkot da kaba bynrap ba na ka liang ka Organising Committee kan sa phah ïa ki jingtip kiba bniah sha baroh ki dorbar shnong khnang ba ki samla kynthei bad shynrang kin ïoh ka jingshai halor katei ka lympung.
