Jowai, Nailur 23
Ka Loomsooiung Newhill ka la pynjem khnap ïa ka NSA haduh 9-0 kol ha ka 2nd Division Football Tournament na ka bynta ka 8th Debo Shullai Memorial Trophy ba la pynïaid da ka West Jaiñtia District Sports Association (WJDSA) kaba la long ha ka sngi Ba-ar ha Kiang Nangbah Stadium, Jowai.
Ha katei ka jingïakhun u Banteilang Shylla u la khyrwit da ka hat-trick da kaba u la thep ha ka minit kaba 4, 10 & 18. Ïa kiwei pat la bynrap da u Lastborn Suting uba la thep ar kol ha ka minit kaba 25 & 40 bad ïa kiwei pat la thep da u Pynshai Lathong (7), Ïohi Chyrmang (54), Simeon Suchiang (56) bad u Kyrkhu Ryngkhlem (80+1).
Shwa kane ka Mulang Ïalong ka la jop da 2-0 kol ïa ka Panaliar. Ïa kine la thep da u Richard Dhar ha ka minit kaba 61 bad kawei pat da u Nidaroi Mulieh (80+4).
