Shillong, Nailur 23
Ka Nazareth Hospital, Shillong, ha ka jingïatreilang bad ka tnad ka Koit ka Khiah ha ka Sngi Ba-ar ka la pynlong ïa ka ‘Swasth Nari, Sashakt Parivar Abhiyaan’ (SNSPA) lyngba ki sienjam bapher-bapher kiba ïadei bad ka koit ka khiah.
Ka ‘Health Camp’ ka la kynthup ïa ki jingai jingtip, ki jingpeit ïa ki jingpang, bad ki sienjam na ka bynta ka koit ka khiah jong ki samla hapoh ka ‘hospital’ bad lyngba ki jingai jingtip kiba pyni ïa ka jingkongsan jong ka koit ka khiah na ka bynta ki longkmie bad ka bha ka miat jong ki longïing.
Kum shi bynta jong ka prokram, la don ka jingai jingshakri ïa ki nongñiah taksi ha Nongrah, kaba thmu ban ai jingïada ha ka koit ka khiah bad pyntikna ka jingïoh ïa ki jingsumar ha ka imlang-sahlang.
