Shillong, Nailur 23
Ka Madanrting Carrom Club kan pynlong ïa ka lympung ïalehkai siat carom ba la tip kum ka All Meghalaya Open Carrom Championship 2025-26 naduh 1 tarik haduh 4 tarik u Risaw mynta u snem ha Madanrting Indoor stadium, Shillong.
Te kumta katei ka klob ka la wer ïa ki nongïalehkai siat carrom ban wan ïashim bynta namar katei ka lympung ka thmu ban kyntiew ïa ka jingïalehkai siat carrom ha ka Jylla bad ban ailad ïa ki nongïalehkai kiba tbit na kylleng ka Jylla ba kin pyni ïa la ki sap ba kyrpang jong ki.
Kat kum ka kyrwoh ba la pyllait da u Secretary Bah Romeo Rani, la ong ba ka tarik kaba khatduh ban pynrung kyrteng kan long ha ka 29 tarik mynta u bnai. Na ka bynta ki jingtip kiba kham bniah ki nongshim bynta ki lah ban phone ïa u Bah Romeo Rani (8794401639), Bah Wanlam Kharkongor (9612274412) bad Bah Arcos Nongkynrih (9774422796).
