Shillong, Nailur 23
Ka Laitkyrhong ka la lah ban pynthikna ban jam sha ka final ha ka Second Division Football League 2025 ba la pynïaid da ka Shillong Sports Association, hadien ba ka la pynliem noh ïa ka Mawpat SC da 2-0 kol ha ka sngi Ba-ar.
Kane ka jingjop ha ka jingïakhun semi final kaba la long ha SSA Stadium kaba ha First Ground, Polo, ka la wan urlong lyngba ki kol ba la thep da u Samuel Suting lyngba ka penalty ha ka minit kaba 24 bad kawei pat da u Ebarlestar Pyngrope ha ka minit kaba 30.
Hadien ba la bteng ïa ka jingïalehkai jong ka kylla miet, u Mebanri-kupar Rynjah u la pynlehnohei ïa ka kabu ksiar.
Lyngba kane ka jingjop, ka Laitkyrhong kan ïakynduh pyrshah ïa ka Mylliem Lum ha ka jingïakhun final ka ban long ha ka sngi Saitjaiñ ha ka por 4 baje nohphai sngi.
Lah ban kdew ka Laitkyrhong bad ka Mylliem Lum ki la jam sha ka First Division ha kaba kin ïoh ban shim bynta naduh ka aiom ka ban wan.
