Shillong, Nailur 24
Ka Shlem treikam jong ka ‘State Bank of India’ ka la pynlong ïa ka jingthung tynrai dieng bad diengsoh ban pynneh pynsah ïa ka Mei Mariang.
Ïa kane ka jingthung dieng bad diengsoh ba la pynlong da ka shlem treikam ka SBI kaba don ha Dhankheti-Shillong ha ka 24 tarik Nailur 2025 ha Lum Sohpetbneng bad ka jingpynlong ïa katei ka jingthung ïa ki tynrai dieng bad diengsoh ka long shibynta jong ka Corporate Social Responsibility (CSR) kumjuh ka jingpynneh pynsah ïa ki dieng ki siej khamtam ïa ka Mei Mariang.
Ha kane ka Prokram thung dieng ka Shlem treikam ka SBI ka la ïoh ban thung haduh 3500 tylli ki tynrai dieng kynthup ki diengsoh bad ïa kine ki tynrai baroh la pynbit pynbiang lyngba ka kper sara kaba la tip kyrteng, M/s SUK Nursery kaba don ha Nongmensong.
Ha kane ka sngi na ka liang ka SBI, la mihkhmat u Chief Manager bad Deputy Manager ka SBI’s Regional Business Office, Region-1, na ka seng Khasi Seng kmie la ïadon lang u Rgh O. Pyngrope, u Rgh Hainess Marbaniang kumjuh u Chairman ka Lum Sohpetbneng Committee Rgh I. Sun bad ki dkhot ka JPK ka Seng Khasi Kmie
Ha kane ka sngi ka la don ruh ka jingïalang ba lyngkot, ha kaba la ai jingkren na ki nongmih khmat jong ka SBI bad Seng Khasi Kmie.
