Shillong, Nailur 24
Ka ïingbishar jong ka Judicial Magistrate First Class (JMFC) ka la kyntait ïa ka aplikeshon ai jamin ïa ka Sonam Raghuvanshi.
Lah ban pynkynmaw ba ha ka sngi Thohdieng jong ka taïew ba la lah, ïa ka ‘bail application’ jong ka Sonam, la wanrah na ka bynta ban tian bishar da ka ïingbishar jong ka JMFC, Sohra. Hynrei, ïa kane ka kam la rah bad buh noh ha ka sngi Nyngkong. Ha kane ka sngi, hadien ba la bishar ïa ki arliang mamla, ka JMFC ka la kyntait ïa ka jingpan jamin jong ka Sonam. Ïa ka ‘case record’ mynta la bthah ban wanrah hakhmat ka ïingbishar Sessions Judge, East Khasi Hills, Shillong.
Haba ïoh ban ïakren bad u nongïasaid jong ka ïing ka sem u Raja Raghuvanshi (bam kwai ha dwar U Blei) u Sujit Dey, u la pyntip ba ïa ka aplikeshon pan jamin jong ka Sonam la kyntait da ka Judicial Magistrate First Class.
