Shillong, Nailur 24
Ka Green Heart Boxing Club kan sdang ïa ka rynsan ïakura ba la tip kum ka Invitational Boxing Competition 2025 ha Indoor Sport Hall, Mawlai Mawroh, Shillong naduh ka sngi Palei.
Ïa kane ka rynsan ïakura ka ban neh ar sngi kynthih la kyrshan bad bei tyngka da ka District Sport Promotion Society (DSPS). Kin don kumba 18 ki kyrdan ïalehkai na ka bynta ki khynnah, ki samla kynthei bad shynrang.
Ïa kane ka rynsan ïakura yn wan ban plie da u Block Development Officer ka Mylliem u Bah Tosan Marweiñ, bad u Bah Pynsuklang Hynñiewta, Secretary ka Dorbar Shnong Mawlai Mawroh ki ban long kum ki kongsan bad symbud kongsan.
