Shillong, Nailur 24
Ka Meghalaya Rural Bank ka dang don ha ka jingpyrshang ban kyntiew ïa ka Customer Centric Delivery (CCD), ka la kyntiew ïa ka tnad ba nyngkong jong ka napdeng kiba bun ki tnad treikam jong ka, kaba don ha Mawkdok ba kan long kaba kham khlaiñ da kaba pyni ïa ka rukom long ba mynta.
U Bah D.P. Wahlang, IAS, Chief Secretary ka Sorkar Jylla Meghalaya, u ba plie paidbah ïa kane ka jaka ba thymmai ha ryngkat ka jingïadonlang u Rangbah Shnong, u BDO ka Laitkroh C&RD Block, u Chief Engineer ka PHE bad kiwei-kiwei ki riew rangbah.
U la ai ka jingïaroh ïa ka sienjam ba ka MRB ka la shim na ka bynta ban pynbha ïa ka jingshakri ïa ki paidbah lyngba kine ki jaka ba kham bha bad ruh ïa ka jingpyndonkam ïa ka teknoloji.
U lah ai ruh ka jingïaroh ïa ka jingpyndonkam ïa ka Micro ATM na ka bynta ban sei pisa kaba la pynïaid da ka ktien khasi lajong.
