Jowai, Nailur 24
Ka Thadlaskeiñ Sports Association (TSA) ka la pynlong ïa ka ‘Referee Clinic Cum Examination’ ha ka 22 tarik mynta u bnai ha Wahïajer Multi Sports Comlex ha kaba la wan ai jinghikai da u Prasad Rabha uba dei u AIFF Instructor bad u Bah Ricky Synnah.
Ki la don 30 ngut ki samla kiba la wan ban shah hikai pyntbit bad ban pynjanai ïalade ha ka kam rephri. Ïa kane ka prokram ai jinghikai la pynkut noh ha ka sngi Balang ha kaba ki nongshah hikai ki la pyndep ïa ka Fitness test bad Examination.
