Shillong, Nailur 24
Ki Pulit pynïaid kali Shillong Traffic Police (STP) ha ka sngi Balang kila pynbeit thymmai ïa ka jingïaid kali naduh ka thaiñ Umtyngar shaduh Sohra.
Kane ka jingpynbeit thymmai kali ka dei namar ka 4th Sohra International Half Marathon ka ban sdang na Laitsohpliah shaduh Sohra ha ka 27 tarik Nailur naduh ka por 5:30 mynstep.
La pyntip ba baroh ki jait kali kin hap ban ïeng ha Jingkieng Umtyngar namar yn khang lut ïa baroh ki lad ban poi sha Sohra naduh ka por 5:00 baje mynstep tad haduh da dep ka jingmareh marathon.
Haba ïadei bad kane, ka STP ka kyntu ïa ki paidbah ban kiar leit sha ki thaiñ Sohra naduh ka por 5:00 baje mynstep haduh 12:00 baje nohphai sngi. La pyntip ba ïa ki kali Emergency Service pat yn shah ba kin ïaid ryngkat ka jingïarap.
