Shillong, Nailur 26
Ka Samla Riya Suting kawei na ki samla kaba la mihkhmat na ka Jylla Meghalaya ban ïa shim bynta ha ka jingïakop kaba la long ha Goa naduh ka 17 haduh ka 24 tarik u Nailur 2025 ka la wanrah ïa ka nam jingjop ha ka kyrdan kaba nyngkong kum ka Miss P&I India 2025 kaba la pynlong ha Goa naduh ka 17 tarik haduh 21 tarik u Nailur.
Haba kren sha ki lad pathai khubor mynta ka sngi ka 26 tarik u Nailur 2025 ha Shillong Press Club , ka Samla Riya ka la ong ba kane ka rynsan kam dei tang ïa kiba lah ban ïa shim bynta kiba biang ha ka rynïeng bad ka met ka phad kaba wandur , hynrei kaei kaba la ai mynsiem ban ïa shim bynta ka long ba kane ka rynsan ka kynthup lang ïa baroh kiba la don khun don kti bad kiwei de.
Shuh-shuh ka la ong ba kane ka rynsan kam shym la peit khmat ba ka wan na kano-kano ka bynta hynrei ka ailad bad ka pdiang sngewbha ïa ka.
Na ka liang u bah Tobias Suting , u la ong ba ka Riya Suting ka dei tang ka khunswet bad kum u Mama u sngew sarong ïa la ka jong ka khun.
U la bynrap biang ba kam myntoi lada bun ki nongkyrshan hynrei ki bahaïing ha sem ki khlem ai ka jingkyrshan bad kan pynsep ei ruh ïa ka jingtrei shitom , kumta u la ong ba ka ïing ka sem naduh ba sdang ka kyrshan met bad mynsiem ïa ka Riya Suting naduh ba ka leit ban ïa shim bynta ha katei ka rynsan.
