PoK, Nailur:
Ka Pakistan occupied Kashmir (PoK) kaba la synshar da ka Pakistan, ka la sakhi ïa kawei na ki jingïakhih kaba jur tam ha ka histori jong ka, kaba dang shu jia shen, ha kaba ka Awami Action Committee (AAC) ka la pynlong ïa ki jingïakhih kiba jur ha kylleng jong katei ka ri ha ka Sngi Nyngkong.
Katei ka ka jingïakhih ban khang-dam ka ba lah ban dang iai bteng khlem i-don jingkyrmen ba kan sangeh ne kut noh, ka la wanrah ka jingeh kaba khraw ha kaba ka Pakistan ka la phah leit pahara bad phah tehlakam da ki bor pahara bad ka la pyrkhing ïa ka jingpyndonkam ‘internet’ naduh ka por shiteng miet jong katei ka jingjia, khnang ban lah ban tehlakam ïa ki jingma kiba khraw kiba ap ïa ka ri.
La ong ba ka Pakistan ka la sakhi ïa kiba bun ki jingïakhih paidbah naduh ki por – ki snem ba la leit, namar ka jingbym biang jong ka jinglong- jingman ha katei ka ri bad naduh ba la kem noh syndon ïa u Myntri Rangbahduh barim katei ka ri, u Imran Khan, uba ki nongkyrshan jong u, ki la dawa ïa ka sorkar Pakistan ba ka dei ban pyllait noh ïa u na ka por sha ka por. Hynrei haduh mynta ruh ma u, lem bad ka Kurim jong u, ki dang don ha ka kti jong ki bor ka aiñ namar ki kam bei tyngka be-aiñ bad ka jingpyndonkam bakla ïa ka pisa jong ka sorkar ha ka por ka jingïalam jong utei u nongialam ka Pakistan ha ki snem ba la leit.
