Shillong, Nailur 29
Ka Bahun Nongrum, ka Miss Meghalaya, sa shisien pat ka la pynsarong biang ïa ka Jylla hadien ba ka la rah ïa ka nam ha ka 1st Runner-Up, jong ka Miss Earth India 2025.
Nalor kane ka nam ka Bahun ka la ïoh ruh ban rah sa ïa ka wei pat ka khusnam ne ka subtitle, ba la tip ka Miss Congeniality 2025.
Ka Bahun, kaba la mih khmat kham mynshwa ïa ka Meghalaya ha ka Miss Universe India 2024, ka la pynpaw ïa ka jingai nguh ïa u Blei, uba la kyrkhu ïa ka, ban ïoh ïa ka met kaba koit ba khiah ha ka jingïaid lynti jong ka.
Ka la ai khublei ruh ïa ki bahaïing ha sem, ki paralok bad ïa baroh kiba la ai ka jingkyrshan ïa ka man ka por.
“Kane ka jingithuh kam dei jong nga marwei, hynrei ka dei lang jong baroh kiba la kyrshan ïa nga naduh kaba sdang,” la ong ka Bahun, da kaba aiti ïa ka jingjop jong ka sha baroh kiba la don ha syndah jong ka.
