Shillong, Nailur 29
Ka rynsan ïakura jong ka Green Heart Boxing Club Invitational Boxing Com-petition 2025 ka la poi sha kaba kut ha ka 26 tarik mynta u bnai, ha kaba u Banrap Syiem Malniang bad ka Eva Waynie Marbaniang ki la ïohpdiang ïa ka nam Best Boxer.
Ha katei ka sngi pynhap pyrda la ïadon lang u Bah Brightstarwell Mar-baniang, MLA ka Mawlai Constituency kum u kongsan bad u Bah HBR Lyngdoh Nongpiur, Rang -bah shnong ka Mawlai Mawroh kum u symbud kongsan ha kaba ki la ïoh ban sam ruh ïa ki khusnam sha baroh ki nongjop.
Ka jingpynlong ïa kane ka rynsan ïakura ka long ruh shi bynta jong ka jingpynkhreh na ka bynta ka 39th National Games 2027 ka ban long ha kane ka jylla Meghalaya.
Haba phai sha ki jingïakhun final jong ki shynrang, la jop da u Sanjeev Maskut (50kg), Sunil Limbu (55kg), Aidan O Warbah (67kg) bad u Saljrang Marak (70kg). Ha ka liang ki kynthei la jop da ka Ekyrpangmeka Sohïong (48kg), Banisha Makri (51kg), Eva Waynie Marbaniang (54kg) bad ka Pynjanai Sancley (57kg).
Ha ka liang ki khynnah kynthei la jop da ka Badahun Syiemïong (40kg), Dolcy Emelia Diengdoh (44kg) bad ka Remika L Nonglait (48kg). Ha ka liang ki khynnah shynrang la jop da u Damonlang Mar -baniang (44kg), Russel Fabian Nongkhlaw (46kg), Kyrshan Swer (48kg), Banrap Syiem Malngiang (50kg), Erickson Kahit (57kg), Mack L Marshil-long (60kg) bad u Mankhrawkupar Khartiewksiar (75kg).
