Nongstoiñ, Nailur 29
Ka West Khasi Hills District Table Tennis Association (WKHDTTA ) ka la pynkut noh ïa ka lympung ïalehkai table tennis ba la tip kum ka 2nd West Khasi Hills Table Tennis Open Tournament 2025 ha ka sngi Saitjaiñ ha Indoor Hall, New Nongstoiñ.
Ha ka jingïakhun final jong ka women’s singles la rah da ka Ibanpynshai Parïong, katba ha ka Men’s Single la ïoh da u Joel Omedashan Mawthoh. Nangta ha ka Under-19 girls singles la ïoh ban khur da ka Marwankynti L. Dkhar .
Ha ka Under-19 Boys Singles ïa ka nam jop la khur da u Rishanlang Syiemlieh, ha ki Under-17 Girls Singles la rah da ka Orianna Linnea Nongsiej, katba ha ka Under-17 Boys Singles la ïoh da u Ïashanlang Sohshang .
Lah ban kdew hangne ba ïa kane ka lympung la wan ban plie da u MDC ka Nongstoiñ u Dr. Juristman Ïawphniaw kum u kongsan, ha ka jingdonlang ruh ki nongkitkam ka Synjuk bad kiwei-kiwei.
