Jowai, Nailur 29
Ka Lumphyrnai Sohphoh ka la rung sha ka final ha ka 3rd Division Football Tournament ba la pynïaid da ka Thadlaskeiñ Sports Association (TSA), hadien ba ka la pynliem noh ïa ka Nongkhroh Rim lyngba ka tie-breaker da 3-1 kol ha ka lah sngi U Blei ha Multi Sports Complex kaba ha Wahïajer.
Ha katei ka jingïakhun baroh ar tylli ki kynhun ki la ïathep mar 1-1 kol. Hashwa ban kut ka jingïalehkai jong ka kylla step, ka Lumphyrnai Sohphoh ka la pynkhih jar nyngkong lyngba u Wellson Suting (44), hynrei ka Nongkhroh Rim ka la pynïakhaid kylla ha ka kylla miet lyngba u Pynbiang Nongrum (74).
Lyngba kane ka nam jop, ka Lumphyrnai Sohphoh kan ïaknieh ïa ka nam lahduh pyrshah ïa ka Mukhla Raij ha ka 7 tarik u Risaw ha ka por 1:30 baje nohphai sngi.
