Shillong, Nailur 29
Ka Meghalaya Police FT ka la khur da ka jingjop ha kaba sdang ïa ka lympung ïalehkai First Division 2025 ba la pynïaid da ka Shillong Sports Association, hadien ba ka la pynjem khnap ïa ka Nongrah da 6-0 kol ha ka lah sngi U BLei ha SSA Stadium kaba ha First Ground, Polo.
Ïa kine la thep da u Lalintus Marak (15), Pynshailang Lyngkhoi (46 & 69), Bansiewdor Wahlang (85 & 90) bad u Chesterfield Nongdhar (90+1) na ka bynta ban khur ïa ki lai point.
Kumba ka paw ka MLP ka dei ka lahduh ha ka Second Division jong u snem ba la lah bad ka la kiew kyrdan sha ka First Division mynta ka aïom.
Ha kane ka lympung ki don 10 tylli ki kynhun ki ban ïakhun pyrshah kawei ïa kawei. Kumba long ha ka SPL, katei ka lympung kan ym don ka jingïakhun final, ha kaba ka kynhun ka ban wan ha ka ka kyrdan ba hakhlieh kan khur ïa ka nam lahduh.
Ka jingïalehkai ha ka sngi Ba-ar ka long hapdeng ka Mawtawar pyrshah ïa ka Mawkhar, ha ka por 1:30 mynsngi.
