Nongpoh, Nailur 30
Ha kawei ka jingjia ha ka janmiet jong ka sngi Ba-ar, kawei ka kali Maruti Swift kaba don ïa u registration number ML05-P-1771 ka la hap jraiñ sha nala harud jong ka surokbah National Highway 6 kaba dang hap ha ka shnong Umsamlem, Ri-Bhoi District katba ka dang thmu ban kiew sha ka nongbah Shillong.
Katkum ka tyllong khubor ba la ïoh lum, la ïathuh ba katei ka la jia ha ka por kumba 4:30 eiei janmiet. Ki paidbah kiba sakhi ïa katei ka jingjia, kila ïathuh ba ka daw jong ka jinghap katei ka kali sha nala ka dei namar ka jingpynher sted palat haduh ba u nongñiah um lah shuh ban tehlakam ïa la ka kali.
La ïathuh ruh ba u nongñiah ïa katei ka kali, uba la tip kyrteng kum u Francise Myrchiang na ka shnong Mawiong lem bad uwei pat uba don lang, ïa uba la tip kyrteng kum u Fredrick Shangpliang, kila mynsaw bad na ka liang ki pulit ka thanad Umsning, kila pynkit noh ïa ki sha Umsning CHC na ka bynta ban pynïoh ïa ka jingsumar.
