Shillong, Nailur 30
Ki nongjngohkai pyrthei kiba wankai sha Sohra ki la ïoh ban leit ïengkai ban shondur ha jrong u lum na kaba lap lap ïa ka jaket kup slap ka Sonam Raghuvanshi kaba hap ha shnong Mawkma, East Khasi Hills.
Kane ka jaka ka long shisha kaba itynnad lada shai ka sngi namar ka don ka riat kaba heh bad hajrong riat ka don ka jaka madan khyndiat ban ïoh ïaidkai ki briew namar ka kham suk ïa kiba wankai namar ka don harud surok.
La ïohi ïa ka jingitynnad kane jaka ka dei namar baroh ki nongjngohkai pyrthei kiba hiar na Shillong ban leit sha ki thaiñ Laitduh bad kiba kiew ruh ki la sangeh ïa ki kali ban ïeng peitkai ïa ki lum bad ban shondur.
Kum ban shu pynkynmaw, ki pulit ka Sohra Civil sub division ki la lap ïa ka jaket kup slap jong ka Sonam Raghuvanshi ha Mawkma hadien ba ki la wad ïa ka namar ka jingshah pynïap u kurim jong ka u Raja Raghuvanshi ha Weisawdong.
Ïa kane ka jaket kup slap jong ka Sonam la lap haba ki pulit ki la lap ïa ka metïap jong u kurim jong ka u Raja Raghuvanshi uba la shah pynïap ha ka 23 tarik Jymmang 2025 hadien ba ma u bad ka kurim ki la kiew na Nongriat bad ïaid lang bad lai ngut ki paralok jong ka Sonam.
Kum ban shu pynkynmaw hadien ba ki pulit ki la tohkit la lap ba ïa u Raja Raghuvanshi la pynïap ki paralok jong ka Sonam Raghuvanshi ha Weisawdong hadien ba ki la wanphai na Nongriat.
Uwei na ki nongjngohkai pyrthei u la pynpaw ba lada ïa kane ka jaka ha Mawkma, la shna bha kan long kawei ka jaka ba itynnad namar ka khring bha ïa ki paidbah ban ïengkai ban shondur.
