Khliehriat, Risaw 01
Ka Musniang SC ka la jam sha ka semi final ha ka lympung ïalehkai 1st Division Football Tournament ba la pynïaid da ka East Jaiñtia Hills District Football Association (EJHDFA).
Kane ka la wan urlong hadien ba ka pynliem noh ïa ka Khliehriat West YWSC da ka 1-0 kol ha ka jingïalehkai quarter final kaba la long ha ka sngi Balang ha madan artificial turf Diengshynrum, Khliehriat.
Ha kane ka jingïakhun baroh ar ki kynhun ki la pyrshang ban ïakhun tyngeh naduh kaba sdang ha kaba ki la ïoh ïa ki katto katne ki kabu kiba biang, hynrei kim shym la lah ban thep kol. Hynrei hashwa ban kut ka jingïalehkai ka Musniang ka la ïoh ban pynkhih jar lyngba u Mardiphone Rymbai ha ka minit kaba 90+4.
