East Java, Risaw:
Ki bor pyniaid ka Indonesia ki la iathuh ba palat 90 ngut ki khynnah skul kiba dang sahkut hapoh jong ki kynrum- kynram, la jan ar sngi hadien ba kawei ka iing skul Islam ka la twa halor jongki, la iathuh ki bor pyniaid hadien ba ki la bishar bniah ia ki jingthoh jong ka jingwan skul bad ki kaiphod na ki longiing kiba sngewkhia jong kito kiba jah.
Palat 300 ngut ki nongpyllait im ki la trei shitom ban pynlait im ïa kiba lait im ha ka step jong ka sngi Thohdieng, hadien ba katei ka jingtei ka la hap halor ki spah ngut ki briew, kiba bun ki dei ki khynnah shynrang, kiba la pynlong ïa ki jingduwai mynstep ha ka Sngi Nyngkong ha kawei ka jaka duwai ha kawei ka skul Islam kaba la rim bha kaba don hapoh East Java.
La pyntikna ba ym duna ia 3 ngut ki samla pule, kiba la khlad noh bad kumba 100 ngut kiwei pat ki la mynsaw ha katei ka jingtwa katei ka iingskul, ha kaba, kiba bun ki dei kiba don jingmynsaw ha ki bynta jong ka khlieh bad kiba la kheiñ shyieng- kheiñ shruh.
Ka National Disaster Management Agency ka la pynkylla ia ka jingdon jong ki briew kiba la antad ba ki la shah tep ha ki thliew sha ka 91 ngut tad haduh jong ka Sngi Ba-ar ba la ioh ban ai jingkheiñ thymmai haba iadei bad kane ka jingjia.
Ka tnat ka la ong ba ym duna ia ka 6 ngut ki khynnah kiba dang sahkut bad kiba dang im hapoh jong kitei ki thliew kiba la shah tap noh ha ki kynrum- kynram ba la twa jong katei ka iing-mala, hynrei ka jingwad bad jingbud-dien ka la long kaba kham eh namar jing bym skhem jong ki rukom tei ia katei ka iing-mala.
Ki nongpyllait im ki la pyllait ia ka lyer ‘oxygen’, ia ka um bad ia ki jingbam na ki bynta ba lait ban pynrung sha kitei ki thliew ba don kito kiba dang sahkut hapoh jong kitei ki thliew khnang ban lah ban pynneh bad pyn-im ia ki.
