Shillong, Risaw 01
Ka Meghalaya Swimming Association (MSA) ha ryngkat ka jingïatreilang bad ka tnat ïalehkai ka Sorkar Jylla, ka la pynlong ïa ka 1st Masters Swimming Competition ha pung Crinoline ha ka sngi Balang.
Ha kane ka jingïakop jngi kaba tang shi snem la wan shim bynta da 80 ngut ki nongjngi kiba kynthup ïa 60 ngut ki shynrang bad 20 ngut ki kynthei na ka bynta ban ïashim bynta ha ki jingïakop bapher-bapher kum ka freestyle, butterfly, backstroke, bad ka breaststroke.
Kane ka jingïakop kaba plie lad na ka bynta ki nongjngi kiba don hapoh ka rta 25 haduh 65 snem, ka la long ka sienjam kaba kongsan ban kyntiew ïa ka jingïashim bynta ha kane ka jingïalehkai bad ban pynshlur ïa ka jingïadon bynta jong ki paidbah ha ki kam ba ïadei bad ka koit ka khiah.
Ha ka jingïakop jngi jong ka Free Style 50m (25-29 snem) la jop da u Pitor Momin uba la lah ban pyndep ha ki 00:33:18 sekhon, ïa ka kyrdan ba-ar la ioh da u Jewel stone Nongrum (00:36:59) bad balai u Overjust Kharjahrin (00:42:13). Ha ka Free Style 100m (25-29 yrs) la jop da u Pynsanmiki Sumer u la pyndep ha ki 01:24:25 sekhon, ba-ar u Pitor Momin (01:33:19) bad balai u Overjust Kharjahrin (01:41:77).
Ha ka Free Style 50m (25-29 yrs) la jop da ka Gail Darlene Syiem kaba la pyndep ha ki 00:41:46 sekhon, ba-ar ka Balarisha Thyrniang (00:53:40) bad balai ka Naphisabet Nongbet (01:08:10). Ha ka liang ki shynrang la jop da u William K Sangma (00:33:82), ba-ar u Dajeid Kharsati (00:43:21) bad balai u Donlang Nongdhar (00:48:94).
Ha ka Free Style 50m (30-34 yrs) jong ki kynthei la jop da ka Glareenda Louiza Wahlang (00:49:33), ba-ar ka Nabahunlang Shabong (00:50:84) bad balai ka Yorika Nora Nongkynrih (00:57:72). Ha ka Free Style 50m (40-44 yrs) la jop da u Aulwonson F. Challam (00:40:27), ba-ar u Wallambor Myrthong (00:45:64) bad u Jerry Syiemlieh (00:50:06).
Ka Pynsuklin Khongji ka la khur jingjop ha ka (40-44 yrs) Free Style 50m da kaba pyndep ha ki 00:58:61, ba-ar ka Seba D Sangma (01:05:40) bad balai u Chonchira R.Marak (01:11:72). Ha ka (40-44 yrs) Breast Stroke 50m la jop da u Ardonister Lyngdoh (00:50:09), ba-ar u K Lamchwa Miki Nikhla (00:53:67) bad balai u Wallambor Myrthong (00:54:77).
Ka Seba ka la khur jingjop ha ka (40-44 yrs) Breast Stroke 50m da kaba pyndep ha ki 01:41:10 sekhon, ba-ar u Chonchira R.Marak (02:16:09) bad balai u Kasturi Sharma (02:34:60). Ha ka (40-44 yrs) Butterfly Stroke 50m la jop da u Ardonister Lyngdoh da kaba pyndep ha ki 00:38:89 sekhon, ba-ar u Pynshai Shynret (00:45:60) bad balai u Aulwonson F. Challam (00:45:72). Ha ka 45-49 yrs) Free Style 50m la jop da u Fedrick Rymbai da kaba pyndep ha ki 00:41:79 sekhon, ba-ar u Franklin Pyrbot (00:50:46) bad balai u Anthony J Basïamoit (00:50:85).
