Shillong, Risaw 01
Ka ophis jong ka National Statistics (Field Operations Division), Regional Office, Shillong ka la rakhe ïa ka ‘Hindi Fortnight’ naduh ka 14 tarik Nailur haduh ka 29 tarik Nailur, 2025.
Ha kine ki ar taïew la pynpaw ïa ka jingdonkam jong ka ktien ‘Hindi’ ha ki kam Sorkar bad la pynlong katto-katne ki prokram, kata ka jingïakop thoh ‘Essay’ da ka ktien Hindi, jingpule ïa ka ktien ‘Hindi’, ban ‘type’ ha ka ktien ‘Hindi’, ‘Noting’ bad ‘Drafting’, bad kiwei-kiwei khnang ban plie lad ïa ki ophisar bad ki nongtrei ban trei ïa ki kam ha ka ktien ‘Hindi’. Ïa ka jingïalang pynkut ïa ka ‘Hindi Fortnight’, la pynlong ha ka Lah Sngi U Blei ha Conference Hall jong ka ophis National Statistics (Field Operations Division), Regional Office Shillong da u Orenthung Patton (Deputy Director).
U la ai jingkren ha ka jingïalang bad pynpaw ba ka ophis National Statistics ka trei shitom ban lum ïa ki jingtip kiba ïarap shibun ha ka ban thaw ïa ki polisi kiba pynshong nongrim ha ki nongshong shnong da ka Sorkar Pdeng bad Sorkar Jylla.
Ha katei ka sngi, u Deputy Director NSO (FOD), Regional Office Shillong u la pynshai ïa ki nongïashim bynta halor ka jingpyndonkam ïa ka ktien ‘Hindi’ ha ki kam jong ki. Ha kane ka sngi la pynlong ïa ka jingïakop kylli jingkylli bad la ai khusnam sha ki nongjop ha kane ka jingïakop.
La pynkut ïa ka prokram da ki jingkren ai khublei na u Dr. Prabhata Das, Assistant Director, National Statistics Office (Field Operations Division), Regional Office, Shillong.
