Shillong, Risaw 01
Ka kynhun ki nongïa-lehkai kickboxing ka Jylla hapoh ka lama jong ka Meghalaya State Kickbo-xing Association (MSKA) ki la wanrah burom ïa ka Jylla hi baroh kawei da kaba khur phra tylli ki takma ha ka “Juniors (Boys & Girls) National Kickboxing Champion-ship – 2025” kaba la long ha Gymnasium Hall, Dr Y S Parmar University of Horticulture & Forestry, Nauni, Solan kaba ha Himachal Pradesh.
Kine ki kynthup ïa 4 tylli ki takma ksiar lem bad mar ar tylli ki takma rupa bad rnong. Ïa kane ka lympung la pynïaid da ka Amateur Kickboxing Association Himachal Pradesh hapoh ka jing-khmih da ka WAKO India Kickboxing Federation.
Ïa ki takma ksiar la khur da u Derrick Dashan-kur Nongrum (Older Junior Boy, K-1 – 54 Kg), Aedriel Gordon Ranee (Younger Junior Boy, K-1 – 45 Kg) kiba na Laitryng-ew bad Maraikaphon Sohra, kumjuh u Erick Kharsati (Older Junior Boy, K-1 – 81 Kg) na Madanrting bad u Rishanskhem Lipon (Ol-der Junior Boy, Low Kick – 54 Kg) na Nongmensong.
Ïa ki takma rupa la khur da ka Emiliana Susngi (Younger Junior Girl, Low Kick – 45 Kg) na Umsawli Mawpat bad ka Barkis Nongkhlaw (Older Junior Girl, K-1 – 44 Kg) na Mawlyngngad, Jowai). Katba ïa ki takma rnong la khur da u Orickson Marbaniang (Younger Junior Boy, Low Kick – 45 Kg) na Pynthorumkhrah Golflink bad u Shongkun D Khong -war (Younger Junior Boy, K-1 – 65 Kg) na Demthring.
Halor kane ka jingwanrah burom na kitei ki khlur ïalehkai, na ka liang ka MSKA ka la ai khublei ïa u Coach jong ka kynhun u Nathaniel Pyn-bianglang Kurkalang (International Kickboxer) na Mylliem Mawrie uba la ïalam ïa katei ka kynhun bad ruh ban wanrah burom ïa ka Jylla hi baroh kawei.
Shuh shuh ka MSKA ka la pynbna ba kitei ki saw ngut kiba la khur ïa ki takma ksiar ki la don lypa hapoh ka thup ban mihkhmat ïa ka ri India ha ka Asian Kickboxing Championship 2025. Kiwei kiba la khur ïa kiwei pat ki takma ki lah ban don ha ka thup hadien ka jingjied kaba khatduh ynda ki la pyndep ïa ka International Training Camp jong ka WAKO India Kickboxing federation ka ban long naduh 3 haduh 12 tarik u Naiwieng mynta u snem ha Bangalore.
Naduh u Nailar 2017 haduh u Nailur mynta u snem, ka MSKA ka la kam ba ka la khur haduh 96 tylli ki takma ksiar, 71 tylli ki takma rupa bad 98 tylli ki takma rnong. Haba kheiñ kyllum ka la khur haduh 265 tylli ki takma lem bad 53 tylli ki takma na ka bynta ka ri India ha ki lympung ialehkai shabar ri bad 9 tylli na ka bynta ka NEHU ha ka All India Inter University Games.
Shuh shuh ka MSKA ka la pynbna ruh ba kan sa pynlong ïa ka Khelo India Asmita Kickboxing Women City League ha Shillong bad Tura ha u Nohprah mynta u snem na ka bynta ka jingkhia kaba 53kg.
