Shillong, Risaw 01
Ka Organising Committee jong ka Mawlai Games & Literary Fest ka la pyntip ba ka shlem ai jinghikai Boxing jong u Bah Larry K. Kharpran uba dei ruh u Secretary incharge ïa ka Boxing jong ka Mawlai Games & Literary Fest, kan sdang noh ïa ka jingai jinghikai ïa ka jingïalehkai Boxing na ka bynta ki khynnah bad samla kiba naduh 12 snem haduh 20 snem ka rta kynthei bad shynrang.
Kane ka jingai jinghikai la long na ka bynta ki nongshong shnong ba sah ha u pud u sam jong ka shnong Mawlai naduh mynta u bnai Risaw 2025.
Kat kum ka kyrwoh ba la pyllait da u Bah B.Kharkamni, Publicity Secretary ka Mawlai Games & Literary Fest, la ong ba na ka liang u Bah Larry K. Kharpran u la pyntip ruh ba kan nym don ka jingshim pisa na ka bynta kane ka jingai jinghikai jong kane ka Mawlai Games bad ka jaka ka ban pynlong kan dei ha Indoor Sports Hall kaba don ha Mawlai Mawroh naduh ka por 4 baje janmiet haduh 5:30 janmiet.
