Shillong, Risaw 02
Kan don ka jingpyn mareh thungkam ne ka Army Recruitment Rally hapoh 58 Gorkha Training Centre, Happy Valley, Shillong naduh 14 haduh 17 tarik Risaw 2025.
Ka jingpyn mareh thungkam kan dei na ka bynta ki samla ka Jylla Meghalaya na baroh ki district na ka bynta ka kam Agniveer (General Duty), Agniveer (Technical), Agniveer (Clerk), Agniveer Tradesman (kiba pass Class X) bad Agniveer Tradesman (kiba pass Class VIII).
Ki samla kiba shah jied ki dei ban poi noh ha 58 Gorkha Training Centre ha ka por 03:00 mynstep katkum ka tarik ba kdew ha ki Admit Card.
La bthah ba ki samla kidei ban don ïa la ki Admit Card bad kiwei ki kot jingdonkam (Original) kumba la phah ha ka E-mail jong ki samla thepkam.
Ki samla kiba khlem pat ïoh lane kim lah ban Download ïa ki Admit Card ki dei ban leit mih ha ka ophis treikam Recruiting Office (Headquarter), Shillong lane ki lah ban phone Shillong 0364-2504177 bad phah ïa ki E-mail ha Recruiting Office (Headquarters) email ID ([email protected]).
