Jowai, Risaw 02
Ka lympung ïalehkai First Division Football Tourna-ment 2025 ba la pynïaid da ka Thadlaskeiñ Sports Association (TSA) ka la nangjam shaphrang ha ka sngi Palei ha madan Multi Sports kaba ha Complex Wahïajer.
Ha ka jingïalehkai kaba nyngkong, ka Nongkhroh Mawsiang ka la pynliem noh ïa ka Wahshangiar da 4-1 kol.
Ha kane ka jingïalehkai ka Nongkhroh Mawsiang ka la thep ar kol ha ka kylla step lyngba u Rio Myrboh (12) bad u Ronaldo Marbaniang (17).
Ka Nongkhroh Mawsiang ka la thep biang sa ar kol ha ka kylla miet lyngba u Wanker Rani ha ka minit kaba 57 bad u Pyndap Myrboh (67), hynrei ka Wahshangiar la lah ban pynphai kylla shi kol lyngba ka penalty ba la shut da u Sobiangki Phawa bad ha kaba kut ka la mad ïa ka jingshah rem.
Ka jingïalehkai ha ka sngi Thohdieng kan long hapdeng ka Friends United pyrshah ïa ka Namdong-B ha ka por 12:30 mynsngi bad ka Ummulong SC ïa ka Malngiang SC ha ka por 2:30 nohphai sngi.
