Washington, Risaw:
Ar tylli ki liengsuin kamai jong ka Delta Airlines ki la iatyngkhuh katba ki dang iaid taksi ha ka kad liengsuin ha LaGuardia ha ka Sngi Balang ha New York, kaba la pynjulor ia ka thapniang jong katei kawei kaliengsuiñ. Ki video kiba la saphriang ha ki social media, kiba la paw ba la shim napoh jong kawei ka liengsuiñ ba marjan, ki pyni ïa ki jingshai jong ki kali ba kyrkieh ha ka surok tarmac bad ka jingjulor jong kawei ka wing jong ka liengsuiñ jet.
Ka shyntur jong kawei ka liengsuiñ ka la tynrah ïa ka tyrpeng kadiang jong kawei pat ka liengsuiñ katba baroh ar tylli ki liengsuiñ jet ki dang ïaid taxi, ong ka sur jong ka Air Traffic Control audio.
Ki nongniah liengsuiñ ki la pyntip ba ka la don ka jingshah pynjulor ha ka jingkhang jong ki, la ong ka ATC audio.
Uwei u briew u la mynsaw ha katei ka jingjia kaba la jia ha ka por 9:56 p.m (ka por jong ka thain).
Ka Delta Airlines kam shym la ai kano kano ka jingpynbna halor katei ka jingjia ha ka por ba ujor ia kane ka kaiphod.
Katkum ki khubor, la iathuh ba uwei na ki nongpynmih jong ki, u don ha ka liengsuin DL5047, kaba wan na ka kad liengsuin jong ka Charlotte Douglas International Airport. Haba ka liengsuiñ ka dang ïaid taxi ha ka por ba ka hiar ha New York, kawei na ki bniat jong ka ka la shah bat ha kawei pat ka liengsuiñ jong ka thaiñ Delta, kaba la pynlong ïa ka ban bthei noh.
Kane ka jingjia aksiden ka pyndap ia ka jingjia kaba jrong ha LaGuardia ha kine ki bnai ba la dep kaba la pynmih ia ka jingeh ha ka jingshngain. Ha u Lber, ka tdong jong ka liengsuiñ Delta ka la tynrah ïa ka lynti ïaid liengsuiñ ha ka por ba ka pyrshang ban hiar, kaba la pynlong ïa katei ka liengsuiñ ba kan hap ban phai noh bad ka jingtohkit jong ka tnat pynïaid liengsuiñ jong ka sorkar pdeng.
