Shillong, Risaw 02
Ka India ka la lah ban pynpaw ïa ka jingtbit ha ka sngi sdang jong ka jingïalehkai Test ba nyngkong pyrshah ïa ka West Indies ha ka sngi Palei, ha kaba kane ka la wan lyngba ki nongkawang bol kiba kynthup ïa u Mohammed Siraj bad u Jasprit Bumrah ha kaba la bud sa ka jinglah ban khyrwit ïa ka shiteng spah run na u KL Rahul.
Hadien ka jingkawang bol ka liang pyrshah ka la ïoh tang 162 ron, ka India ka la lah ban pynkut ïa ka sngi kaba nyngkong da 121/2, ha kaba ka dang duna sa 41 ron bad dangsah ha kti sa 8 wiket.
Katei sngi ka la sdang ha kaba ka West Indies ka la jied ban tied nyngkong, hynrei ka rai jong ki ka la kylla namar ba u Siraj bad u Bumrah ki la lah ban pynpra ïa ki nongtied. U Siraj (4/40) u la long u rangïalehkai uba la lah ban pynhap wiket. Kumjuh u Bumrah (3/32) u la long uwei pat u rangïalehkai uba la lah bha na ka bynta ka India ha ka jingkawang bol.
Kumba ka paw ka West Indies kam shym la lah ban shan shem. U Justin Greaves (32), Shai Hope (26), bad u Roston Chase (24) kila pyrshang ban ïakhun tyngeh, hynrei hynrei ym don uwei ruh uba lah ban tied kham bun. U Kuldeep Yadav (2/25) bad u Washington Sundar (1/9) ki la lah ban pynhap ïa ki wiket kiba kongsan bha ha kaba ka West Indies ka la shah pynhap noh tang ha ki 44.1 over.
Haba wan shimti ïa ka pali kaba ar, ki nongtied ba nyngkong jong ka India, u Yashasvi Jaiswal bad u KL Rahul ki la sdang ban pyrshang ha ka ban ïalehkai bha ha kaba ki la long kiba ïai shah watla ki la ïoh tang 4 run na ki 36 bol hashwa ban khyrwit na ka bynta ban tied shabar ka madan ïalehkai. U la lah ban tied 36 na ki 54 bol hashwa ba un shah pynkhyllem noh ha u Jayden Seales.
U Sai Sudharsan um shym la lah ban neh slem watla u la ïalehkai lang bad u Rahul, ha kaba u la shah pynkhyllem noh ha u Roston Chase bad u la ïoh tang 7 run.
Hynrei u Rahul u la long uba ïai shah bad long jai-jai na ka bynta ban pynneh ïalade haduh kaba kut. Da kane ka jingïakhun, u la lah ban kynjoh sha ki 20 sien ha ki jingïalehkai Test, bad mynta u la long u nongtied uba khlem shah pynhap wiket bad ban kamai 53 na ki 114 bol. U kapten ka kynhun Shubman Gill u la kyrshan ïa u Rahul na ka bynta ban long u rangïalehkai ba khlem shah pynkhyllem bad ban pynkut ïa ka jingïalehkai da kaba u la tied 18 run.
Ki nongkawang bol ka West Indies ki la pynïoh ka jingkyrmen, khamtam u Seales, uba la buh jingeh ïa ki nongtied ba kynsai jong ka India. Hynrei u nongïalehkai ba nyngkong eh u Johann Layne u la ïakhun tyngeh ban buh jingeh ïa baroh ka nongtied.
Da kaba shah tam 41 ron ka la pynïakhlad ïa ki na ka jingkheiñ jong ka West Indies bad 8 wiket kiba dang don ha kti, ka India ka don ha ka jaka kaba biang bha ban ïoh ïa ka jingjop kaba kongsan ha ka sngi kaba ar. Lada u Rahul bad u Gill ki danglah ban bteng ha ka ban ïalehkai bha, ka India ka don ïa ka thong ban pynliem ïa ka West Indies.
