Shillong, Risaw 02
Ki riewngeit Hindu ha ka 02 tarik u Risaw 2025, ki la ai khublei khatduh ïa ka blei Durga lyngba ka Sindoor Khela.
Ha kane ka sngi ki kynthei ba la shong kurim, ki tah da ka kynja rong saw iwei ïa iwei pat hashwa ba kin pynngam ïa ka blei jong ki shapoh um.
La sakhi ba wat hapdeng ka jingjur jong u slap, hynrei da ki spah ngut ki riewngeit Hindu ki la shim bynta shitrhem bad ïa lum lang hapoh ki Pandal ban aiti ha ki jingduwai ba khatduh bad ban rakhe khatduh ïa ka Durga Puja.
Ha kane ka sngi la ïohi ruh ïa ki trok kiba itynnad ban kit ïa ki blei ha ryngkat bad ki jingsawa jong ki bom, ki ksing bad ruh ka jingshad ba shongshit jong ki riewngeit Hindu.
Palat 70 tylli ki blei kiba la pynngam ha ka wah ha Polo, katba ki riewngeit ki dang pyrta “Asche bochor abar hobe”, kaba mut kan sa wanphai biang ha u snem ban wan.
Ha Khasi-Jaiñtia-Ri Bhoi ki blei ba la pynngam ki long 102 tylli, bad ha Garo ki don 140 tylli bad baroh ki long 242 tylli.
