Shillong, Risaw 02
Ka 1st E.F. Memorial Futsal Tournament jong ka Veteran (above 40) ka la poi noh sha ba kut ha ka 30 tarik u Nailur 2025 ha kaba ka Rympei PIP ka la long ka lahduh bad rah ruh ïa ka song pisa kaba T.1 lak tyngka lem bad ka trophy hadien ba ka la lah ban pynliem noh ïa ka Kynlumlang FC Veteran ha ka jingïalehkai kaba itynnad bha lyngba ka tie-breaker.
Lah ban kdew ba kane ka lympung ïalehkai ka dei kaba lah pynlong na ka bynta ban pynsah kynmaw ïa u Païem Francis Syiem uba dei u syiem barim ka Hima Mylliem bad uba dei ruh u nongshong shnong ka Mawlai Ïewrynghep lem bad ïa ka kurim jong u, ka Meiiem Ewisly Massar.
Ha katei ka sngi pynhap pyrda ïa ka 1st EF Futsal Memorial Tourna-ment, la wan long kong-san da ka Kong B.G. Massar kaba dei ka khun khatduh jong u Païem Francis Syiem bad ka Meiiem Ewisly Massar ha ryngkat ka jingdonlang u MLA ka Mawlai, u Bah Brightstarwell Marba-niang, u Rangbah Shnong ka Mawlai Kynton Mas-sar, u Dr. Marco Mitri, u Syiem ka Raid Mawbah, u Paiem Mac Syiem, u Deputy Director barim ka DIPR, u Bah Phyrnai Marbaniang, ki bahaïing hasem jong u Paiem Francis, ki paralok parajor lem bad kiwei kiwei.
Katei ka jingpynhap pyrda jong kane ka lympung ïalehkai ka la long shisha kaba i shongkun bad shongkhia bad ka la don ruh shibun ki jingpynbyrngia na ki khun, ki ksiew bad ki bahaïing jong u Païem Francis lem bad na ki paralok ki jong ki.
Ka lahduh ha kane ka lympung ïalehkai kaba dei ka Rympei PIP ka la ïoh rah ïa ka song pisa kaba long T. lak tyngka lem bad ki takma bad ka trophy, katba ka kynhun kaba wan ba-ar kata ka Kynlumlang FC ka la ïoh T. 50,000/- tyngka lem bad ki takma bad ka trophy.
Ïa ka khusnam Best Goal keeper la ïoh da u Bah Rupai a Jat, Best Player ka leit sha u Bah Kynsai M Jyrwa bad Top Scorer da u Bah John F. Khongstia kiba dei ki nongïalehkai jong ka Rympei PIP.
Ha shwa kane ka la don ka jingïalehkai paralok hapdeng ka Frenco United pyrshah ïa ki Veteran jong ka Mawlai Ïewrynghep ha kaba ka Frenco United ka la jop da 3-0 kol, ha kaba kawei ka kol jong ka Frenco United la thep da u MLA ka Mawlai u Bah Brightstarwell Marbaniang.
