Shillong, Risaw 03
Ka Jaintia Students’ Union (JSU) ka dawa ïa ka Directorate of Health Services (DHS) ban pynbeit biang ïa ka merit list bad ka jingai bhah pule nalor ban pynkynriah ïa ki khynnah Khasi bad Jaiñtia ba dei ban ïoh ka bhah pule sha ka ‘open category’ khlem da pynkylla ïa ki bhah jaka pule.
Ha ka shithi ujor ba ka JSU ka la aiti sha ka tnad DHS ka la kdew ba ba 2 ngut ki samla pule Doktor ki bym dei ki riewlum trai Jylla ki ïoh duna ‘marks’, katba ka kyrteng jong ki pat ka paw ha ka thup ban ïoh pule Doctor na ka bhah Sorkar.
Ha ka sngi Thohdieng ka JSU ka la shong jingïalang bad ka Director ka Health Service Medical Education ha ryngkat ki ophisar ka tnad ka koit ka khiah.
Ka JSU ka ka la kynnoh ba kane ka jingshah kyntait ki riewlum trai Jylla ban ïoh pule Doktor na ka bhah ka Sorkar Meghalaya ka long ka jingïuhroit ïa ki jinglehbha ki khynnah ki ba dei hok ban ïoh bad ka long ruh ka jingpynkheiñ ïa ka hukum ka Supreme Court ban ai ka bhah pule katkum ka jinglah ki samla pule.
Ka Seng ka la lap ïa ki katto katne ki jingduna ha ka thup ba la pynmih, kynthup ka jingbuh ïa ki kyrtong ba ïoh duna ka ‘marks’ ha ka NEET hapoh ka ‘open category’ kham shakhmat ban ïa ki samla pule Khasi bad Jaiñtia kiba ïoh kham bun ka ‘marks’.
I samla pule na ka thup Khasi -Jaiñtia ba ïoh ïa ka NEET, i Rikor Nongkynrih ba ïoh 475 ‘marks’ i la shah buh ha ka Khasi-Jaiñtia Category ha ka jaka ban buh ha ka Open Category watla I heh ‘marks’ ïa ka bar jylla ka Diya Ghosh kaba ïoh 472 mark, katba ka Suwandaka Wann ruh kaba ïoh ïa ka NEET score ba 443 kam shym la shah kynthup ha ka Open Category watla ka tam shi ‘marks’ ïa ka Tanushka Chakravorty kaba ïoh ïa ka NEET score ba 442 kaba la shah kynthup ha ka Open Category ha ka kyrdan ba 14.
La ong ruh ba ka samla pule na ka thup Khasi-Jaiñtia ka Amebaaihunsha Kharbhih kaba ïoh ïa ka NEET score ba 445, ka la ïoh jaka pule ha RIMS, Imphal katba ka kyrtong ‘Open Category’ Tanushka Chakraborty kaba ïoh 442 ka score, ka la ïoh lang ïa ka jaka pule ha katei kajuh hi ka jaka pule.
“Ngi dawa ban rah noh mar-mar ïa ki 8 ngut ki kyrtong na ka thup Khasi-Jaiñtia (Rikor Nongkynrih ba ïoh 475, Niki Arrisa Shylla ba ïoh 468, Rapmi Toi ba ïoh 467, Bryan Lionel Nongsiej ba ïoh 453, Phibankyntiew Kharkongor ba ïoh 449, Amebaaihunsha Kharbhih ba ïoh 445, Suwandaka Wann ba ïoh 443, bad Eleazer Vincent Lyngdoh ba ïoh 442), sha ka ‘Open Category’ bad pynthikna ruh ba kam dei ban don ka jingpynkylla ïa ka jaka pule ba ki la ïoh mynta (kum ka nuksa, RIMS, Imphal, Lady Harding MC) ha kane ka jingrah” ong ka JSU ha ka shithi ujor. Ka JSU ka dawa ban pyndonkam ïa ki bhah pule ba lait ban ai jaka shuh-shuh ïa ki samla pule Khasi-Jaiñtia kiba don ha ka waiting list, ka ban pynïohnong shuh-shuh ïa ka Jaidbynriew
