Jowai, Risaw 03
Ka Namdong-B bad Ummulong SC ki la khur jingjop ha ka jingïalehkai 1st Division Football Tournament ba la pynïaid da ka Thadlaskein Sports Association (TSA) ha madan Multi Sports Complex ha ka 03 tarik Risaw.
Ha ka jingïalehkai ka Namdong-B kala pynliem ïa ka Friends United da 2-1 kol. Ïa ki kol ka Namdong-B la thep da u Draimos Phawa bad Felixson Lamare 35. Katba shi-kol ka Friends United la thep da u Nicos Laloo 46.
Ha ka jingïalehkai kaba bud, ka Ummulong SC ka la pynliem ïa ka Malngiang FC da 4-1 kol.
Ïa ki kol ka Ummulong SC la thep da u Abiding Muksor 28,69 bad Lamphrang Dkhar 75,80 katba ka shi-kol ka Malngiang FC la thep da u Nibiang Phawa 17.
Ka jingïalehkai kan bteng ha ka 06 tarik Risaw hapdeng ka Dongmihsngi SC bad Tyrshang SC haka por 12.30 baje mynsngi, ka Maya SC bad Lumshyrtoh FC haka por 2.30 baje nohphai sngi.
