Shillong, Risaw 03
Ka jingïalehkai ka lympung SSA 1st Division Football league 2025 kaba la long ha ka 03 tarik Risaw 2025 ha madan SSA Ground ha ka por 1:30 shiteng sngi ka Nongkrem SC ka la pynliem noh ïa ka Ryntih SC da 3 – 1 kol.
Ka Nongkrem SC ka la lah ban thep 3 tylli ki kol lyngba u Balajied Lyngwa ha ka minit ba 60, 81 & 89. Katba ka Ryntih SC ka la ïoh tang shi kol lyngba u Bankyrshan Syiemlieh ha ka minit ba 80.
Ka Pohkseh SC kan ïakhun pyrshah ïa ka Nongkseh SC ha ka jingïalehkai jong kane kajuh ka lympung ka ban long ha ka 04 tarik Risaw ha ka por 1:30 shiteng sngi ha madan SSA Ground Polo.
