Jowai, Risaw 03
Ka Mulang Ialong bad Lumbhahdakha Wahïajer ki la rung sha ka semi final jong ka lympung ïalehkai 2nd Division Football Tournament-8th Debo Shullai Memorial Trophy ba la pynïaid da ka West Jaintia District Sports Assciation (WJDSA).
Kane ka la wan hadien ba kine ki kynhun ki la khur jingjop ha ka jingïalehkai semi final kaba la long ha madan Kiang Nangbah Stadium, Jowai ha ka 03 tarik Risaw.
Ha ba phai sha ka jingïalehkai, ka Mulang Ialong ka la pynliem ïa ka Iawmulong Nartiang da 2-0 kol bad ïa kine ki kol jong ka Mulang Ialong la thep da u Sucrip Manar 59 bad Nidaroi Mulieh 79.
Ha ka jingïalehkai kaba bud, ka Lumbhahdakha Wahïajer ka la pynliem ïa ka Khliehmynkrem da 3-0 kol. Ïa kine ki kol ka Lumbhahdakha Wahïajer la thep da u Gideon Mukhim 12, pynkhreh Talang 65 bad Steven Lyngdoh 72.
