Jowai, Risaw 05
Ka Dulong SC ka la khur jingjop ha ka lympung ïalehkai First Division Football Tournament n aka bynta ka 13th Chatister Kharkongor Memorial Trophy ba la pynïaid da ka West Jaiñtia District Sports Association (WJDSA).
Kane ka la wan hadien ba ka la pynliem noh ïa ka Mynthong SC da 3-0 kol ha ka sngi Saitjaiñ ha Kiang Nangbah Stadium kaba ha Jowai.
Ha kane ka jingïalehkai baroh ar tylli ki kynhun ki la pyrshang ban ïakhun tyngeh naduh kaba sdang, hynrei kim shym la lah ban pynkhih jar haduh kaba kut jong ka kylla step. Dei ha ka kylla miet ba ka Dulong ka la ïoh ban thep kol nyngkong lyngba u u Sahame Lyngdoh ha ka minit kaba 68.
Hashwa ban kut ka jingïalehkai ka Dulong ka la thep biang ïa ka kol kaba ar lyngba u Gideon Mukhim ha ka minit kaba 89. U Sahame u la thep biang ïa ka kol kaba ar ha ka minit kaba 90+2 na ka bynta ban pynlong ban khur syndon ïa ka jingjop hadien ba ka liang pyrshah kam shym la lah ban pynphai.
Kane ka lympung kan bteng biang ha ka 8 tarik mynta u bnai hapdeng ka Khliehïongriang SC pyrshah ïa ka Nangbah Iawmusiang SC ha ka por 2 baje nohphai sngi.
