Haba ïa ki khun jong ki kpa bym dei Khasi bad ka kmie Khasi la kdup bad pdiang ban ai jait Khasi. Balei pat ïa ki khun jong ki kpa Khasi bad ka kmie bym dei Khasi la kyntait ban ai jait Khasi ïa ki khun haba ki dei ka doh ka snam bad u symbai Khasi.
Hangne ngi dei ban sngewthuh ba pleng ïa ka tynrai ka doh ka snam Khasi kan shah iuhroit bad shah kyntait bad ïa u symbai na ki kpa bym dei Khasi la pdiang sha ka jait Khasi. Kane te ka long kaei kaei ka bym lah ban pdiang.
Namar ïa u symbai Khasi ban ai da ka tang jait katba ïa u symbai na ki kpa bym dei Khasi sha ka kmie direct beit sha ka jait jong ka kmie. Kane ka dei ka jingpyrkhat kaba bkla bad ka jingthmu jongno re ban pynduh jait ïa u symbai Khasi bad pynlong Khasi ïa ki khun jong ki kpa bym dei Khasi.
Haba kumne ïa ki khun na ki kpa Dkhar, phareng, Negro bad kiwei kiwei ki ai jait Khasi. Katba ïa ki khun na ki kpa Khasi – Pnar kin shah kyntait ka long ka jinglehraiñ bad ka jingleh shiliang ha ka imlang ka sahlang ha ka dustur ka riti kum ka hok longbriew manbriew Balei mo ki kwah pynduh jait ïa u symbai Khasi ?
C. B. Iawphniaw
